"Real Madrid"dan ijara asosida "Milan"da o‘ynayotgan yarim himoyachi Brahim Dias Ispaniya jamoasiga qaytadi. "Qaymoqranglilar" Diasni shartnomasi mavsum oxirida tugaydigan Marko Asensioga o‘rinbosar sifatida ko‘rmoqda. Bu haqda Mundo Deportivo xabar bermoqda.
23 yoshli Dias va "Milan" o‘rtasidagi kelishuv mavsum oxirida yakuniga yetadi. Italiya jamoasi futbolchini 22 million yevroga sotib olish imkoniyatiga ega, ammo “Real Madrid” futbolchining shartnomasini 30 million yevroga qayta sotib olishi mumkin.
Joriy mavsumda Dias Italiya chempionati va Chempionlar ligasining yettita uchrashuvida gol urdi va golli uzatmani amalga oshirdi.