"Реал Мадрид"дан ижара асосида "Милан"да ўйнаётган ярим ҳимоячи Браҳим Диас Испания жамоасига қайтади. "Қаймоқранглилар" Диасни шартномаси мавсум охирида тугайдиган Марко Асенсиога ўринбосар сифатида кўрмоқда. Бу ҳақда Mundo Deportivo хабар бермоқда.
23 ёшли Диас ва "Милан" ўртасидаги келишув мавсум охирида якунига етади. Италия жамоаси футболчини 22 миллион еврога сотиб олиш имкониятига эга, аммо “Реал Мадрид” футболчининг шартномасини 30 миллион еврога қайта сотиб олиши мумкин.
Жорий мавсумда Диас Италия чемпионати ва Чемпионлар лигасининг еттита учрашувида гол урди ва голли узатмани амалга оширди.