"Tottenxem" hujumchisi Xarri Keyn Antonio Konte qo‘l ostida Angliya jamoasida ishlashni davom ettirishdan mamnun va shartnomasini uzaytirmoqchi. Hujumchi uni sotib olishga qiziqayotgan "Bavariya" va "Chelsi"ning takliflarini rad etadi. Bu haqda jurnalist Fabrisio Romano xabar bermoqda.
Oldinroq "Bavariya" yozgi transfer oynasida "Tottenxem" va Angliya terma jamoasi hujumchisi Xarri Keynni asosiy maqsad qilib tanlagani haqida xabar berilgandi. Shu bilan birga, Keynning o‘zi ham Myunxen klubiga o‘tishga qarshi emas edi.
29 yoshli Keyn “Tottenxem” tarbiyalanuvchisi hisoblanadi. Hujumchi joriy mavsumda APLning 7 ta o‘yinida 6 ta gol urdi va bitta golli uzatmani amalga oshirdi.
