"Liverpul" yarim himoyachisi Nabi Keyta Dortmundning "Borussiya" jamoasiga o‘tishi mumkin.
Bild nashrining xabariga ko‘ra, futbolchi ingliz klubi bilan yangi shartnomani muhokama qilmoqda, biroq uning amaldagi shartnomasi 2022/23 yilgi mavsum oxirida tugaydi, shuning uchun Keyta boshqa jamoalar bilan muzokara boshlashi mumkin bo‘ladi.
27 yoshli futbolchi joriy mavsumda Angliya Superkubogida bitta o‘yinda maydonga tushdi va u 5 daqiqani maydonda o‘tkazdi. Transfermarkt portaliga ko‘ra, Nabi Keytaning narxi 25 million yevroni tashkil qiladi.
“Liverpul” 6 o‘yindan so‘ng 9 ochko bilan APL turnir jadvalida sakkizinchi o‘rinni egallab turibdi.
