"Real" hujumchisi Karim Benzema umumiy guruhda mashg‘ulotlarni hali boshlamagan. Marca nashriring xabariga ko‘ra, hujumchining Ispaniya chempionati doirasidagi "Osasuna"ga qarshi o‘yinda ishtirok etishi hamon so‘roq ostida.

Ma’lumotlarga ko‘ra, Benzema bir necha kundan buyon trenajyor zalida shug‘ullanyapti, biroq hali maydondagi guruh mashg‘ulotlarida qatnashmagan.

Eslatib o‘tamiz, fransiyalik futbolchi jarohati tufayli bir qancha o‘yinlarni, jumladan, Madrid derbisida "Atletiko" bilan o‘yinni o‘tkazib yuborgan edi.

Benzema yangi mavsumda Ispaniya chempionatining to‘rtta uchrashuvida uchta gol urishga muvaffaq bo‘ldi.