"Реал" ҳужумчиси Карим Бензема умумий гуруҳда машғулотларни ҳали бошламаган. Marca нашриринг хабарига кўра, ҳужумчининг Испания чемпионати доирасидаги "Осасуна"га қарши ўйинда иштирок этиши ҳамон сўроқ остида.
Маълумотларга кўра, Бензема бир неча кундан буён тренажёр залида шуғулланяпти, бироқ ҳали майдондаги гуруҳ машғулотларида қатнашмаган.
Эслатиб ўтамиз, франциялик футболчи жароҳати туфайли бир қанча ўйинларни, жумладан, Мадрид дербисида "Атлетико" билан ўйинни ўтказиб юборган эди.
Бензема янги мавсумда Испания чемпионатининг тўртта учрашувида учта гол уришга муваффақ бўлди.
