"Barselona"ning joriy mavsumdagi maoshi 656 million yevroni tashkil etadi, deb xabar beradi Catalunya Radio Kataloniya klubi moliyaviy hisobotiga tayanib.

Manbaga ko‘ra, La Liga aynan shu summani kataloniyaliklarga maoshlarga sarflashga ruxsat bergan.

Qayd etilishicha, o‘tgan mavsumga nisbatan “ko‘k-anorranglilar”ning maoshi 138 million yevroga oshgan.

Shu bilan birga, 656 million yevro maosh varaqasi hajmi bo‘yicha klub tarixidagi ikkinchi ko‘rsatkichdir. Bu faqat 2018/19 yilgi mavsumda kattaroq bo‘lgan, o‘shanda kataloniyaliklar maosh uchun 671 million yevro sarflagan.