Xalqaro futbol federasiyasi (FIFA) prezidenti Janni Infantino Indoneziya chempionati doirasidagi “Arema” – “Persebaya” (2:3) uchrashuvidan so‘ng yuzaga kelgan mushtlashuvda 174 kishi halok bo‘lganiga izoh berdi.
“Kanjuruhan" stadionida "Arema" va "Persebaya" o‘rtasidagi o‘yin yakunida Indoneziyada sodir bo‘lgan fojiali voqealardan so‘ng futbol olami shok holatida. Bu futbol bilan shug‘ullanadigan har bir kishi uchun qora kun va tushunib bo‘lmaydigan fojia. Ushbu fojiali voqeada halok bo‘lganlarning oila a’zolari va yaqinlariga chuqur hamdardlik bildiraman.
FIFA va jahon futbol jamoatchiligi bilan birgalikda barcha fikrlarimiz va duolarimiz qurbonlar, jarohat olganlar, Indoneziya Respublikasi xalqi, Osiyo Futbol Konfederasiyasi, Indoneziya Futbol Assosiasiyasi va Indoneziya Futbol Ligasi bilan birga”, — deya Infantino so‘zlarini keltirgan TASS.
