Халқаро футбол федерацияси (ФИФА) президенти Жанни Инфантино Индонезия чемпионати доирасидаги “Арема” – “Персебая” (2:3) учрашувидан сўнг юзага келган муштлашувда 174 киши ҳалок бўлганига изоҳ берди.

“Канжуруҳан" стадионида "Арема" ва "Персебая" ўртасидаги ўйин якунида Индонезияда содир бўлган фожиали воқеалардан сўнг футбол олами шок ҳолатида. Бу футбол билан шуғулланадиган ҳар бир киши учун қора кун ва тушуниб бўлмайдиган фожиа. Ушбу фожиали воқеада ҳалок бўлганларнинг оила аъзолари ва яқинларига чуқур ҳамдардлик билдираман.

ФИФА ва жаҳон футбол жамоатчилиги билан биргаликда барча фикрларимиз ва дуоларимиз қурбонлар, жароҳат олганлар, Индонезия Республикаси халқи, Осиё Футбол Конфедерацияси, Индонезия Футбол Ассоциацияси ва Индонезия Футбол Лигаси билан бирга”, — дея Инфантино сўзларини келтирган ТАСС.