"Manchester Yunayted"ning bugungi derbida “Manchester Siti”ga kuchi yetmadi. Birinchi bo‘limdayoq Erik ten Xag shogirdlari to‘rtta gol o‘tkazib yuborishdi. Ikkinchi bo‘limda “qizil iblislar” gollar kiritishdi, ammo bu mag‘lubiyat yirik bo‘lmasligi uchun ham yetarli bo‘lmadi – natija 3:6.
"Bu juda oddiy - bu ishonchning yetishmasligi. Maydonda o‘zingizga ishonmasangiz, g‘alaba qozona olmaysiz. Men uchun bu kutilmagan hol bo‘ldi. Biz to‘p bilan qo‘rqmay o‘ynay olmadik, bo‘sh xududda qolganimizda ham qo‘rqdik.
"Manchester Siti" g‘alaba qozonishga haqli edi, ammo bu ko‘proq bizning yomon o‘yinimiz natijasidir. Bu o‘ziga - individual futbolchilarga ham, jamoaga ham ishonchsizlikdan.
Tanaffusdan keyin yana bir “Manchester Yunayted”ni ko‘rdik. Biz dadilroq bo‘ldik va uchta gol urishga muvaffaq bo‘ldik.
Menga hozir ijobiy fikr yuritish qiyin. Biz muxlislarimizni tushkunlikka tushirdik, o‘zimizni tushkunlikka tushirdik va juda xafa bo‘ldik” - dedi Ten Xag Match of the Day bilan suhbatda.
