"Манчестер Юнайтед"нинг бугунги дербида “Манчестер Сити”га кучи етмади. Биринчи бўлимдаёқ Эрик тен Хаг шогирдлари тўртта гол ўтказиб юборишди. Иккинчи бўлимда “қизил иблислар” голлар киритишди, аммо бу мағлубият йирик бўлмаслиги учун ҳам етарли бўлмади – натижа 3:6.
"Бу жуда оддий - бу ишончнинг етишмаслиги. Майдонда ўзингизга ишонмасангиз, ғалаба қозона олмайсиз. Мен учун бу кутилмаган ҳол бўлди. Биз тўп билан қўрқмай ўйнай олмадик, бўш худудда қолганимизда ҳам қўрқдик.
"Манчестер Сити" ғалаба қозонишга ҳақли эди, аммо бу кўпроқ бизнинг ёмон ўйинимиз натижасидир. Бу ўзига - индивидуал футболчиларга ҳам, жамоага ҳам ишончсизликдан.
Танаффусдан кейин яна бир “Манчестер Юнайтед”ни кўрдик. Биз дадилроқ бўлдик ва учта гол уришга муваффақ бўлдик.
Менга ҳозир ижобий фикр юритиш қийин. Биз мухлисларимизни тушкунликка туширдик, ўзимизни тушкунликка туширдик ва жуда хафа бўлдик” - деди Тен Хаг Match of the Day билан суҳбатда.
