"Barselona" uzoq vaqtdan beri birinchi marta Ispaniya chempionati jadvalida peshqadamlik qilmoqda.
Shanba kungi “Malyorka” ustidan qozonilgan g‘alabadan keyin (1:0) Kataloniya grandi hisobida 19 ochko bor. Oradan bir kun o‘tib maydonga tushgan “Real Madrid” o‘z maydonida “Osasuna” bilan o‘yinda peshqadamlikni qaytarib olishi mumkin edi, biroq uchrashuv durang bilan yakunlandi(1:1).
Shunday qilib, yetti tur yakunlariga ko‘ra, har ikki jamoada 19 ochko bor, ammo to‘plar farqi yaxshiroq bo‘lgani uchun “Barselona” yuqoriroqda – 19:1 ga qarshi 18:7. "Barselona" 833 kun ichida birinchi marta turnir jadvalida birinchi o‘ringa chiqdi.
La Liganing navbatdagi turida “Barselona” “Kamp Nou”da “Selta” bilan to‘qnash keladigan bo‘lsa, “Real Madrid” mehmonda “Xetafe”ga qarshi bahs olib boradi.
