Londonning "Arsenal" klubi Turinning "Yuventus" klubiga tegishli bo‘lgan italiyalik yarim himoyachi Manuel Lokatelli bilan kuchayishi mumkin.
Calciomercato xabariga ko‘ra, "keksa sinyora" rahbariyati yarim himoyachini "kanonirlar"ga o‘tkazish bo‘yicha muzokaralar olib borishga tayyor. Kelishuv qishki transfer oynasida yakunlanishi mumkin.
Manuel o‘tgan yozda "keksa sinyora" safiga qo‘shilgandi. Yarim himoyachi joriy mavsumda "byankoneri"ning 7 ta o‘yinida gol ura olmadi. Lokatellining transfer narxi 35 million yevroga baholanmoqda.