"Napoli" bosh murabbiyi Luchano Spaletti Chempionlar ligasi guruh bosqichida Amsterdamning "Ayaks"ga qarshi uchrashuvi oldidan jurnalistlar bilan suhbatlashdi.
“Bu boy tarixga ega kuchli raqibga qarshi qiziqarli jang bo‘ladi. Ajoyib bo‘lish uchun buyuklarga qarshi o‘ynash kerak. Bo‘lajak o‘yinda biz nimalarga qodir ekanimizni sinab ko‘ra olamiz. O‘z o‘yinimizga qarashimiz va eng yaxshi fazilatlarimizni ko‘rsatishimiz kerak", - deya italiyalik mutaxassisning so‘zlarini keltiradi klub matbuot xizmati.
"Ayaks" - "Napoli" uchrashuvi bugun, 4 oktyabr kuni Amsterdamda bo‘lib o‘tadi, start hushtagi Toshkent vaqti bilan soat 23:45da yangraydi.