"Наполи" бош мураббийи Лучано Спалетти Чемпионлар лигаси гуруҳ босқичида Амстердамнинг "Аякс"га қарши учрашуви олдидан журналистлар билан суҳбатлашди.
“Бу бой тарихга эга кучли рақибга қарши қизиқарли жанг бўлади. Ажойиб бўлиш учун буюкларга қарши ўйнаш керак. Бўлажак ўйинда биз нималарга қодир эканимизни синаб кўра оламиз. Ўз ўйинимизга қарашимиз ва энг яхши фазилатларимизни кўрсатишимиз керак", - дея италиялик мутахассиснинг сўзларини келтиради клуб матбуот хизмати.
"Аякс" - "Наполи" учрашуви бугун, 4 октябрь куни Амстердамда бўлиб ўтади, старт ҳуштаги Тошкент вақти билан соат 23:45да янграйди.