Erik ten Xagning bosh murabbiy etib tayinlanishi Donni van de Bekning "Manchester Yunayted"dagi mavqeini yaxshilagani yo‘q.

Joriy mavsumda niderlandiyalik futbolchi uchta uchrashuvda maydonda atigi 19 daqiqa o‘ynadi. Vaziyatni hisobga olsak, van de Bek albatta klubini o‘zgartirishdan manfaatdor bo‘ladi.

Fichajes nashri xabariga ko‘ra, "Inter" Donni van de Bekni qo‘lga kiritish haqida o‘ylamoqda. Gap qishki transfer oynasida ijaraga olish haqida ketmoqda.

Eslatib o‘tamiz, van de Bek 2021/2022 yilgi mavsumning ikkinchi qismini ijara asosida “Everton”da o‘tkazdi.

Transfermarkt portali ekspertlari 25 yoshli Donni van de Bekni 20 million yevroga baholamoqda.