Эрик тен Хагнинг бош мураббий этиб тайинланиши Донни ван де Бекнинг "Манчестер Юнайтед"даги мавқеини яхшилагани йўқ.
Жорий мавсумда нидерландиялик футболчи учта учрашувда майдонда атиги 19 дақиқа ўйнади. Вазиятни ҳисобга олсак, ван де Бек албатта клубини ўзгартиришдан манфаатдор бўлади.
Fichajes нашри хабарига кўра, "Интер" Донни ван де Бекни қўлга киритиш ҳақида ўйламоқда. Гап қишки трансфер ойнасида ижарага олиш ҳақида кетмоқда.
Эслатиб ўтамиз, ван де Бек 2021/2022 йилги мавсумнинг иккинчи қисмини ижара асосида “Эвертон”да ўтказди.
Тransfermarkt портали экспертлари 25 ёшли Донни ван де Бекни 20 миллион еврога баҳоламоқда.
