Yaqin kunlarda Xorxe Sampaoli "Sevilya" bosh murabbiyi sifatida Xulen Lopetegining o‘rnini egallashi kerak.
Relevo nashri xabariga ko‘ra, 52 yoshli argentinalik murabbiy Andalusiya klubida ishlashga rozi bo‘lgan. Sampaoli payshanba kuni Ispaniyaga uchish uchun chipta sotib oldi.
Xorxe Sampaoli yozdan beri ishsiz edi. "Marsel"ni Chempionlar ligasiga olib chiqqan argentinalik mutaxassis rahbariyat bilan kelishmovchiliklar tufayli kutilmaganda klubni tark etdi.
“Sevilya” mavsumni yomon boshladi. Ispaniya chempionatida ayni damda jamoa turnir jadvalida 17-o‘rinni egallab turibdi.
5 oktyabr, chorshanba kuni Chempionlar ligasi doirasida “Sevilya” Dortmundning “Borussiya” jamoasiga qarshi o‘ynaydi.
