"Real" bosh murabbiyi Karlo Anchelotti "qaymoqranglilar" hujumchisi Karim Benzema YECHL guruh bosqichi 3-turi doirasida "Shaxtyor" jamoasiga qarshi bo‘lib o‘tadigan o‘yinda jamoasiga yordam bera olishini aytdi.
Mutaxassis, shuningdek, 34 yoshli fransiyalik futbolchining jismoniy holati a’lo darajada ekanligini ta’kidladi.
"Karim Benzema juda yaxshi. Oxirgi o‘yinlarda o‘ynamagani uchun gol ura olmadi. Men g‘alati hech narsa ko‘rmayapman. So‘nggi kunlarda Karim yaxshi mashg‘ulot o‘tkazdi", - dedi Anchelotti UYEFA matbuot xizmatiga.
"Real" - "Shaxtyor" uchrashuvi ertaga, 5 oktyabr tunida "Santyago Bernabeu"da bo‘lib o‘tadi. Uchrashuv Toshkent vaqti bilan soat 00:00da boshlanadi.
