“Napoli” mavsum boshidan beri mag‘lubiyatsiz seriyasini 11 ta o‘yinga yetkazdi.
Luchano Spalletti shogirdlari Chempionlar ligasi guruh bosqichining 3-turida “Ayaks”ni mag‘lub etishdi (6:1). Ular ketma-ket 7 ta g‘alabaga erishdi, to‘plar farqi - 21:5.
Bu mavsumda umumiy hisobda neapolliklar 9 ta g‘alaba va 2 ta durang qayd etishgan. A Seriyada ular 8 o‘yindan keyin 20 ochko to‘plagan "Atalanta" bilan birinchi o‘rinni bo‘lishib turgan bo‘lsa, Chempionlar ligasida 3 o‘yindan keyin 9 ochko bilan guruhda peshqadamlik qilmoqda.
Keyingi o‘yinda "Napoli" safarda "Kremoneze" bilan o‘ynaydi - bu 9 oktyabr kuni sodir bo‘ladi.
