“Manchester Siti”ga Chempionlar ligasi guruh bosqichi 3-turi doirasidagi “Kopengagen”ni mag‘lub etishda (5:0) hujumchi Erling Xoland dubl qayd etib yordam berdi.

Endilikda 22 yoshli norvegiyalik futbolchi faoliyati uchun yevrokuboklarning asosiy turnirida 22 uchrashuvda 28 ta gol urdi. Bu ko‘rsatkich bo‘yicha u Rivaldo va Luis Suaresni ortda qoldirdi.

Xoland Chempionlar ligasi to‘purarlari ro‘yxatida Rayan Giggz va Jan-Pyer Papen bilan tenglashdi. Biroq, birinchisi 28 ta gol urish uchun 145 ta o‘yin o‘tkazgan bo‘lsa, ikkinchisi 37 ta.