"Sevilya" o‘z rasmiy sayti orqali bosh murabbiy Xulen Lopetegi vazifasidan ozod etilganini e’lon qildi.
Bunday qarorga klub rahbariyati Chempionlar ligasi guruh bosqichi 3-turi doirasidagi Dortmundning "Borussiya"sidan uchralgan mag‘lubiyatdan so‘ng (1:4) kelgan.
Uch turdan so‘ng “Sevilya” bor-yo‘g‘i 1 ochko to‘pladi va “G” guruhida 3-o‘rinda bormoqda. Oldinroq jamoa “Manchester Siti”ga yutqazgan (0:4), “Kopengagen” bilan durang o‘ynagan (0:0).
Ispaniya chempionatining joriy mavsumida “Sevilya” 7 uchrashuvda 5 ochko jamg‘argan va La Ligada 16-o‘rinda bormoqda.
56 yoshli ispaniyalik mutaxassis 2019 yilning iyul oyidan buyon jamoani boshqarib kelayotgan edi. Uning qo‘l ostida jamoa 170 o‘yin o‘tkazib, 90 g‘alaba va 44 durang qayd etgan.
