"Севилья" ўз расмий сайти орқали бош мураббий Хулен Лопетеги вазифасидан озод этилганини эълон қилди.

Бундай қарорга клуб раҳбарияти Чемпионлар лигаси гуруҳ босқичи 3-тури доирасидаги Дортмунднинг "Боруссия"сидан учралган мағлубиятдан сўнг (1:4) келган.

Уч турдан сўнг “Севилья” бор-йўғи 1 очко тўплади ва “G” гуруҳида 3-ўринда бормоқда. Олдинроқ жамоа “Манчестер Сити”га ютқазган (0:4), “Копенгаген” билан дуранг ўйнаган (0:0).

Испания чемпионатининг жорий мавсумида “Севилья” 7 учрашувда 5 очко жамғарган ва Ла Лигада 16-ўринда бормоқда.

56 ёшли испаниялик мутахассис 2019 йилнинг июль ойидан буён жамоани бошқариб келаётган эди. Унинг қўл остида жамоа 170 ўйин ўтказиб, 90 ғалаба ва 44 дуранг қайд этган.