21 yoshli hujumkor yarim himoyachi Bukayo Saka "Arsenal" bilan yangi shartnoma borasida kelishib oldi. Football Insider nashri xabariga ko‘ra, tomonlar tez orada 2027 yilning o‘rtalariga qadar mo‘ljallangan uzoq muddatli shartnoma imzolaydi.
Bukayo Londonda 2019 yilning iyulidan beri to‘p suradi. Tomonlar o‘rtasidagi amaldagi shartnoma 2023/2024 yilgi mavsum oxirida yakuniga yetadi. Sakaning transfer narxi 70 million yevroni tashkil qiladi.
Ushbu mavsumda vinger Angliya Premyer-ligasida 8 ta o‘yinda maydonga tushib, 1 ta gol va 4 ta golli uzatmani amalga oshirdi.
