"PSJ" bosh murabbiyi Kristof Galtye o‘yin sxemasini o‘zgartirish haqida o‘ylamoqda. Eslatib o‘tamiz, parijliklar mavsum boshida 3 nafar himoyachida o‘ynashgan bo‘lsa, endi fransiyalik mutaxassis jamoani 4 nafar himoyachi bilan o‘ynatmoqchi. Bu haqda L’Equipe nashri xabar bermoqda.
3 ta markaziy himoyachidan iborat sxema bilan "PSJ" yangi mavsumda barcha musobaqalarda faqat ikkita o‘yinda g‘alaba qozona olmadi. Parijliklar so‘nggi turda “Benfika” bilan durang o‘ynagan bo‘lsa-da, Fransiya chempionatida ham, Chempionlar ligasida ham o‘z guruhida peshqadamlik qilmoqda.
Galtye shu yilning yozida "PSJ"dan ishdan bo‘shatilgan Maurisio Pochettino o‘rniga kelgandi.
