O‘zbekiston Pro ligasining 20-turidan o‘rin olgan "Xorazm" - "Turon" uchrashuvining 29-daqiqasida mezbonlar jarima maydonchasi ichida ro‘y bergan holat Ekspert-hakamlar komissiyasi tomonidan ko‘rib chiqildi.
Unga ko‘ra, "Turon" jamoasi tomonidan jarima zarbasi amalga oshirilganidan so‘ng jarima maydonchasi ichida farg‘onaliklar kiritgan gol "o‘yindan tashqari holatda" deb inobatga olinmadi.
"Hakam bu vaziyatda o‘yindan tashqari holatni qayd etib, xato qaror qabul qilgan. Gol inobatga olinishi kerak edi" - deyiladi Ekspert-hakamlar komissiyasi bayonotida.
Ekspert-hakamlar komissiyasi tomonidan uchrashuv yordamchi hakami harakatlari yuzasidan chora ko‘rilishi uchun O‘zbekiston futbol assosiasiyasi Hakamlar qo‘mitasiga taqdimnoma kiritilganini ma’lum qilyapmiz", - deyiladi O‘zbekiston futbol hakamlari markazi rasmiy telegram-kanalida.
