Ўзбекистон Про лигасининг 20-туридан ўрин олган "Хоразм" - "Турон" учрашувининг 29-дақиқасида мезбонлар жарима майдончаси ичида рўй берган ҳолат Эксперт-ҳакамлар комиссияси томонидан кўриб чиқилди.
Унга кўра, "Турон" жамоаси томонидан жарима зарбаси амалга оширилганидан сўнг жарима майдончаси ичида фарғоналиклар киритган гол "ўйиндан ташқари ҳолатда" деб инобатга олинмади.
"Ҳакам бу вазиятда ўйиндан ташқари ҳолатни қайд этиб, хато қарор қабул қилган. Гол инобатга олиниши керак эди" - дейилади Эксперт-ҳакамлар комиссияси баёнотида.
Эксперт-ҳакамлар комиссияси томонидан учрашув ёрдамчи ҳаками ҳаракатлари юзасидан чора кўрилиши учун Ўзбекистон футбол ассоциацияси Ҳакамлар қўмитасига тақдимнома киритилганини маълум қиляпмиз", - дейилади Ўзбекистон футбол ҳакамлари маркази расмий телеграм-каналида.
