Krishtianu Ronaldu Erik ten Xagning "Manchester Yunayted"dagi mashg‘ulotlaridan norozi emas.

Avvalroq, 37 yoshli portugaliyalik niderlandiyalik murabbiy qo‘l ostida "Manchester Yunayted"dagi mashg‘ulotlar sifatidan noliyotgani va "Yunayted" boshqacha o‘ynasa yaxshiroq bo‘lardi, deb hisoblayotgani xabar qilingandi.

Insayder Fabrisio Romano bu ma’lumotni rad etadi. Uning so‘zlariga ko‘ra, forvard va teg Xag o‘rtasida hech qanday muammo yo‘q va bu kabi xabarlarning barchasi taxmindir.

"Men Krishtianu haqida doim bitta ma’lumot olaman - mashg‘ulot paytida yoki shunga o‘xshash hech qanday muammo yo‘q.

Menga aytishlaricha, futbolchilarning kayfiyati doim yaxshi bo‘lgan, ular ham teg Xag loyihasiga vaqt kerakligini bilishadi”, deb yozadi Romano.