"Barselona" bosh murabbiyi Xavi himoyachi Jerar Pikeni "Real"ga qarshi o‘yinda maydonga tushirmoqchi emas.
Diario Sport xabariga ko‘ra, murabbiy to‘liq tayyor bo‘lmagan futbolchilarni maydonga tushirishni yoqtirmasa-da, 16 oktyabr kuni Jyul Kundeni maydonga tushishga tayyor bo‘lishiga umid qilmoqda.
Xavi Pikening "Inter"ga qarshi o‘yinidan norozi va shuning uchun uni zaxiraga qaytarishni afzal ko‘radi.
Kunde 22 sentyabr kuni chap sonidan jarohati olgan edi. Ta’kidlanishicha, uning ahvoli allaqachon qoniqarli deb baholangan, agar tiklanish yaxshi davom etsa, u dastlabki daqiqalardanoq maydonga tushadi.
Yakshanba kuni Toshkent vaqti bilan soat 19:15da boshlanadigan La Liganing 9-turida "Real Madrid" "Barselona"ni qabul qiladi.
