Londonning “Arsenal” klubi yarim himoyachisi Martin Edegor Yevropa ligasi guruh bosqichi 4-turida Norvegiyaning “Budyo-Glimt” jamoasiga qarshi kechgan uchrashuv haqida fikr bildirdi. “Kanonirlar” 1:0 hisobidagi minimal g‘alabani tantana qilishdi.

"Ushbu uchrashuvda bizni nima kutayotganini juda yaxshi tushundik. Bir qator golli vaziyatlarni qo‘ldan boy berganimiz va to‘pga o‘zimiz xohlagancha egalik qila olmaganimiz biroz asabiylashtirdi. Lekin asosiysi g‘alaba”, - dedi norvegiyalik futbolchi UYEFA matbuot xizmatiga.

London jamoasi to‘qqiz ochko jamg‘arib, o‘z guruhida eng yaqin ta’qibchisidan ikki ochko oldinda peshqadamlik qilmoqda.