Лондоннинг “Арсенал” клуби ярим ҳимоячиси Мартин Эдегор Европа лигаси гуруҳ босқичи 4-турида Норвегиянинг “Будё-Глимт” жамоасига қарши кечган учрашув ҳақида фикр билдирди. “Канонирлар” 1:0 ҳисобидаги минимал ғалабани тантана қилишди.
"Ушбу учрашувда бизни нима кутаётганини жуда яхши тушундик. Бир қатор голли вазиятларни қўлдан бой берганимиз ва тўпга ўзимиз хоҳлаганча эгалик қила олмаганимиз бироз асабийлаштирди. Лекин асосийси ғалаба”, - деди норвегиялик футболчи УЕФА матбуот хизматига.
Лондон жамоаси тўққиз очко жамғариб, ўз гуруҳида энг яқин таъқибчисидан икки очко олдинда пешқадамлик қилмоқда.
