Erling Xoland APLni go‘yoki, larzaga solmoqda.
Mana, «Manchester Siti»ning yangi goleadori «MYU» bilan o‘yinda 3ta gol urishdan tashqari, yana 2tasiga assistentlik qildi va 6:3 hisobidagi katta g‘alabaga katta imzo qo‘ydi. Hozirda hamma norvegiyalik haqida gapirmoqda. Jumladan, futbolchilarga baho berishda ancha «ziqna» hisoblangan L~Equipe gazetasi ham.
Diqqat, L~Equipe nashrining ekspertlar guruhi Xolandning «MYU»ga qarshi o‘yindagi harakatlarini 10 ballga loyiq ko‘rdi. Bu maksimal bahodir. Aytish joiz, Erling Fransiya gazetasi tarixida bunday bahoga munosib topilgan atigi 14-futbolchi bo‘ldi. bolchining harakatlari eng yuqori — 10 ball bilan baholandi. Qolaversa, birgina Lionel Messi ikki bor 10 ball olganini ham aytish joiz.
L~Equipe nashridan 10 ball olgan futbolchilar
Frank Soze - 1988 yil
Bruno Martini - 1988 yil
Oleg Salenko - 1994 yil
Lars Vindfeld - 1997 yil
Lionel Messi - 2010 va 2012 yillar
Robert Levandovski - 2013 yil
Karlos Eduardo - 2014 yil
Neymar - 2018 yil
Dushan Tadich - 2019 yil
Lukas Moura - 2019 yil
Serj Gnabri - 2019 yil
Kilian Mbappe - 2021 yil
Alban Lafont - 2022 yil
Erling Xoland - 2022 yil
Darvoqe… Erling Xoland APLdagi dastlabki 8ta o‘yinidayoq Krishtianu Ronalduning bir ko‘rsatkichini takrorladi. Gap «xet-trik»lar haqida ketmoqda. Oddiy aytganda, norvegiyalik APLda 3ta «xet-trik» qayd etishga ulgurdi. Portugaliyalik yulduz hisobida esa 232ta o‘yinda rasmiylashtirilgan 3ta «xet-trik» bor.
