"Inter" himoyachisi Denzel Dyumfris o‘tgan yozda "PSV"dan 13,7 million yevro evaziga o‘tganidan keyin "Inter" jamoasidagi ilk taassurotlari haqida gapirdi.
“Birinchi kun dahshatli tush edi. Men o‘zimni professional deb hisobladim. Mehmonxonadan chiqib, mashg‘ulotlarga yetib keldim, sumkamni ochdim va u yerda ikkita chap oyoq butsalarni ko‘rdim... “Yo Xudoyim, bo‘lishi mumkin emas”, deb o‘yladim” - dedi Dyumfris The Cor bilan suhbatda.
Ikki tugallanmagan mavsumda niderlandiyalik futbolchi “Inter” safida 58 ta o‘yin o‘tkazib, 7 ta gol urdi va 9 ta golli uzatmani amalga oshirdi. Dyumfrisning "neradzurrilar" bilan amaldagi shartnomasi 2025 yilning yoziga qadar mo‘ljallangan.
