"Manchester Siti" yarim himoyachisi Bernardu Silva Erling Xoland va Krishtianu Ronalduni solishtirdi.

Yarim himoyachi ikkala yulduz hujumchining qobiliyati bilan yaxshi tanish, chunki Xoland uning jamoadoshi, Ronaldu bilan esa Portugaliya terma jamoasida o‘ynaydi.

"Men Xolandni boshqa birovning jarima maydonchasida instinkt bo‘yicha Ronalduga yaqin bo‘lgan yagona o‘yinchi deb bilaman. U har doim to‘p qayerga tushishini biladi va nihoyatda kuchli va tez.

U Ronaldu darajasiga chiqa oladimi? Umid qilamanki, biz "Manchester Siti"da birga o‘ynaymiz. Ammo Krishtianuning standartlari juda yuqori – u 5 marta Chempionlar ligasi va “Oltin to‘p”ni qo‘lga kiritgan. Erling hali juda yosh, uni oldinda ko‘p narsa kutmoqda. Kelajakda nima bo‘lishini hech qachon bila olmaysiz, lekin u allaqachon zarur mentalitetga ega", - dedi Bernardo.