"Manchester Yunayted" darvozaboni David De Xea klubda qolish istagi haqida gapirdi.

“Men bu yerda yana bir necha yil qolib, hamma narsada rekord o‘rnatishni, shuningdek, sovrinlarni qo‘lga kiritishni istardim. Bu mening klubim, o‘zimni bu yerda yaxshi his qilyapman. Yana ko‘p yillar o‘ynashim kerak. Men o‘zimni ishonchli his qilyapman", - deya De Xea so‘zlarini keltirgan jurnalist Tayron Marshall.

31 yoshli ispaniyalik futbolchi 2011 yilning yozidan buyon "Manchester Yunayted"da to‘p tepmoqda. Klub bilan amaldagi shartnoma 2023 yilning yozida yakuniga yetadi.

Joriy mavsumda De Xea barcha turnirlarda 12 ta o‘yinda maydonga tushib, 18 ta gol o‘tkazib yubordi va 4 ta o‘yinda darvozasi daxlsizligini saqlab qoldi.