Madridning “Real” klubi bosh murabbiyi Karlo Anchelotti “qaymoqranglilar” himoyachisi Antonio Ryudiger Ispaniya chempionatining “Barselona” bilan 9-tur uchrashuvida ishtirok etishga tayyorligini aytdi.
Nemis futbolchisi Chempionlar ligasi doirasidagi “Shaxtyor”ga qarshi o‘yinda jarohat olgandi. Klasiko bugun, 16 oktyabr kuni Madriddagi "Santyago Bernabeu" stadionida bo‘lib o‘tadi. O‘yin Toshkent vaqti bilan 19:15 da boshlanadi.
“Antonio - haqiqiy jangchi. U hozirda yaxshi va o‘zini noqulay his qilmayapti.
Ikkinchi bo‘limda yaxshiroq o‘ynashingiz rostmi? Menimcha, bu hisobga olinishi kerak bo‘lgan statistika. To‘g‘ri, o‘yinning ikkinchi bo‘limida biz yaxshiroq harakat qilamiz, ammo bu o‘yin natijasiga ta’sir qiladimi yoki yo‘qligini bilmayman", - deya Anchelotti so‘zlarini keltiradi Marca.
