Rimning “Lasio” klubi sport direktori Igli Tare Italiya jamoalarining moliyaviy ahvoli haqida gapirdi. Uning fikricha, milliy chempionatdagi top-klublar bankrotlikka uchragan.
“Hozir A Seriyada faqat to‘rtta jamoa oilalarga tegishli. Bular “Udineze”, “Lasio”, “Napoli” va “Atalanta”. Men bu yondashuvga ijobiy munosabatdaman.
"Inter", "Milan", "Roma" va "Yuventus" kabi jamoalarga kelsak, texnik jihatdan ular allaqachon bankrot bo‘lgan. Ammo ularni juda ko‘p daromad oladigan transmilliy korporasiyalar qo‘llab-quvvatlaydi.
Bu esa futbolning quvonchi va ishtiyoqiga qattiq ta’sir qiladi, ushbu sport turiga bo‘lgan muhabbatni so‘ndiradi. Bu klublarning hozirgi egalarini klublar an’analari yoki ular joylashgan shaharlar qiziqtirmaydi” - dedi Tare Rimdagi LUISS universitetida so‘zlagan nutqida.
