Mashhur portugaliyalik sobiq hujumkor yarim himoyachi Luish Figu o‘tgan asrning 90-yillari ikkinchi yarmida Yevropa futbolining asosiy yulduzi bo‘lgan, ammo u hech qachon Angliya Premyer-ligasida o‘ynamagan. Biroq, unda shunday imkoniyat bor edi - Figu aytganidek, u "Liverpul" bilan muzokaralar olib bordi, ammo yakunda bu transfer amalga oshmadi.
"Men "Liverpul"ga o‘tmoqchi edim. Lekin bir kuni ular mendan bir hafta kutishimni so‘rashdi. Men kutdim va ma’lum bo‘ldiki, ular boshqa futbolchi bilan shartnoma imzolagan. O‘shanda juda jahlim chiqib, "Inter"ga o‘tgandim. Ularning menga bo‘lgan munosabati butunlay boshqacha, ancha hurmatli edi", - dedi Figu The Guardian bilan suhbatda.
