"Real Madrid" bosh murabbiyi Karlo Anchelotti "qaymoqranglilar" hujumchisi Karim Benzemaning "oltin to‘p" uchun ovoz berishdagi ehtimoliy g‘alabasi haqida fikr bildirdi.
“Umid qilamanki, u “oltin to‘p”ni qo‘lga kiritadi. Karim uni qo‘lga kiritsa, barchamiz xursand bo‘lamiz, chunki bu qaysidir ma’noda butun "Real"ning g‘alabasi", - deya italiyalik mutaxassisning so‘zlarini keltiradi Transfermarkt.
Fransiyalik hujumchi sovringa asosiy davogar sifatida ko‘rilmoqda. "Oltin to‘p" - France Football tomonidan yilning eng yaxshi futbolchisiga beriladigan mukofot.
O‘tgan mavsumda Benzema La Liga va Chempionlar ligasida 46 ta o‘yinda 44 ta gol urib, Yevropadagi asosiy klublar musobaqasining 5 karra g‘olibiga aylangandi. Fransiyalik futbolchi joriy mavsumda barcha turnirlarda 10 ta o‘yinda maydonga tushib, 5 ta gol urdi.
