Madridning “Real” klubi va Belgiya terma jamoasi darvozaboni Tibo Kurtua Lev Yashin sovrinini qabul qilib olganidan so‘ng oilasi va jamoadoshlariga minnatdorchilik bildirdi.

“O‘tgan mavsum men va jamoadoshlarim uchun ajoyib bo‘ldi. Buyuk darvozabonlar qatorida ushbu sovringa nomzod bo‘lish va uni qo‘lga kiritish men uchun katta sharaf. Men oilamga, qiz do‘stimga va bolalarimga qiyin paytlarda yonimda bo‘lganliklari uchun rahmat aytmoqchiman. Shuningdek, jamoadoshlarim va klubga o‘z minnatdorchiligimni bildirmoqchiman", — dedi Kurtua.

Eslatib o‘tamiz, Lev Yashin mukofoti yil yakunida eng yaxshi darvozabonga topshiriladi.