Мадриднинг “Реал” клуби ва Бельгия терма жамоаси дарвозабони Тибо Куртуа Лев Яшин совринини қабул қилиб олганидан сўнг оиласи ва жамоадошларига миннатдорчилик билдирди.
“Ўтган мавсум мен ва жамоадошларим учун ажойиб бўлди. Буюк дарвозабонлар қаторида ушбу совринга номзод бўлиш ва уни қўлга киритиш мен учун катта шараф. Мен оиламга, қиз дўстимга ва болаларимга қийин пайтларда ёнимда бўлганликлари учун раҳмат айтмоқчиман. Шунингдек, жамоадошларим ва клубга ўз миннатдорчилигимни билдирмоқчиман", — деди Куртуа.
Эслатиб ўтамиз, Лев Яшин мукофоти йил якунида энг яхши дарвозабонга топширилади.
