Superliga 22-turidan o‘rin olgan “Dinamo” – “Metallurg” (0:1) o‘yinidan so‘ng mehmonlar bosh murabbiyi Luisma Ernandes keyingi o‘yinlarda jamoasi tarkibida rotasiya qilishga harakat qilishni aytdi.
“Qulay vaziyatlarda to‘pni yo‘qotdik, ammo to‘psiz ham yaxshi o‘ynay oldik va yakunda qiyin g‘alaba qo‘lga kiritildi. Xorijlik bo‘lganim uchun Samarqandga mehrim bo‘lakcha. Samarqand – o‘zgacha shahar. O‘ylashimcha, “Dinamo” doim Superligada o‘ynaydigan jamoa”.
“O‘yin surati tezlashib ketgani uchun Abdumannonovni keyingi o‘yinlarga asrash maqsadida almashtirdim. Zaxirada ham yaxshi saviyadagi o‘yinchilar bor va ularga imkoniyat berdik”.
“Ushbu g‘alaba biroz hotirjamlik bermoqda. Keyingi o‘yinlarda tarkibda rotasiya qilamiz”.
