"Manchester Siti" yarim himoyachisi Ilkay Gyundogan mavsum yakunida Pep Gvardiola jamoasida qolishi mumkin. Jurnalist Nikolo Skiraning xabar berishicha, “shaharliklar” nemis bilan yangi shartnoma borasida muzokaralarni boshlab yuborgan.
Gyundoganning “Manchester Siti” bilan amaldagi shartnomasi 2023 yilning yozida yakuniga yetadi. Avvalroq, futbolchi faoliyatini davom ettirish uchun boshqa variantlarni ham ko‘rib chiqayotgani haqida xabarlar tarqalgan edi.
Manbaga ko‘ra, "Manchester Siti" Gyundogan bilan kelishuvni 2025 yilgacha uzaytirmoqchi. Futbolchi va klub o‘rtasida muzokaralar allaqachon boshlangan.
Gyundogan joriy mavsumda 9 ta o‘yinda 2 ta gol urdi va assistentlik qildi.
