"Манчестер Сити" ярим ҳимоячиси Илкай Гюндоган мавсум якунида Пеп Гвардиола жамоасида қолиши мумкин. Журналист Николо Скиранинг хабар беришича, “шаҳарликлар” немис билан янги шартнома борасида музокараларни бошлаб юборган.
Гюндоганнинг “Манчестер Сити” билан амалдаги шартномаси 2023 йилнинг ёзида якунига етади. Аввалроқ, футболчи фаолиятини давом эттириш учун бошқа вариантларни ҳам кўриб чиқаётгани ҳақида хабарлар тарқалган эди.
Манбага кўра, "Манчестер Сити" Гюндоган билан келишувни 2025 йилгача узайтирмоқчи. Футболчи ва клуб ўртасида музокаралар аллақачон бошланган.
Гюндоган жорий мавсумда 9 та ўйинда 2 та гол урди ва ассистентлик қилди.
