“Real” darvozaboni Tibo Kurtua Ispaniya chempionatining navbatdagi turida “Elche”ga qarshi o‘yinni o‘tkazib yuboradi, biroq shu hafta oxirida “Santyago Bernabeu”da bo‘lib o‘tadigan “Sevilya”ga qarshi o‘yinda maydonga qaytadi.
Kurtua jarohati tufayli bir nechta o‘yinlarni, jumladan, "Barselona"ga qarshi "El-Klasiko"ni o‘tkazib yuborishga majbur bo‘lgandi. Biroq ukrainalik Andrey Lunin belgiyalik futbolchining o‘rnini muvaffaqiyatli egalladi va “Real”ga kataloniyaliklarni 3:1 hisobida mag‘lub etishga yordam berdi.
Kecha Kurtua o‘tgan mavsumning eng yaxshi darvozaboni deb topilib, Lev Yashin sovrinini qo‘lga kiritdi. Oltin to‘p uchun ovoz berishda belgiyalik yettinchi o‘rinni egalladi.
