“Valensiya” hujumchisi Edinson Kavani yana gol urdi.
35 yoshli futbolchi Ispaniya chempionatining oldingi o‘yinida "Elche"ga qarshi o‘yinda dubl qayd etgandi. Bugun esa "Sevilya"ga qarshi bo‘lib o‘tayotgan o‘yinning 6-daqiqadayoq darvozani ishg‘ol qildi. Shu tariqa, so‘nggi ikki o‘yinda urugvaylik futbolchi o‘z hisobiga "Manchester Yunayted"da o‘tgan mavsumdagi 20 o‘yindan kiritgan golidan ko‘ra ko‘proq gol urdi.
Edinson Kavani yozda “Valensiya” safiga erkin agent sifatida o‘tgan edi. Bungacha hujumchi ikki yil “Manchester Yunayted”da o‘ynab, “qizil iblislar” safida 59 uchrashuvda 19 ta gol urgan.
