Madridning “Real” klubi yarim himoyachisi Marko Asensioning kelajagi noaniqligicha qolmoqda.

Amaldagi shartnoma 26 yoshli futbolchini Madrid klubi bilan joriy mavsum oxirigacha bog‘laydi.

Ispaniyaning Sport nashri tarqatgan xabarga ko‘ra, "qaymoqranglilar" Asensio bilan shartnomasini uzaytirish bo‘yicha muzokara o‘tkazishni rejalashtirgan. Bu muzokaralar Qatardagi Jahon chempionatidan keyin bo‘lib o‘tadi.

2022/2023 yilgi mavsumda Marko Asensio "Real"ning 10 ta o‘yinida qatnashgan. Shu bilan birga yarim himoyachi ikki marta dastlabki daqiqalardan maydonga tushdi. Asensio ikkita gol urdi - u "Leypsig" va "Elche" darvozasini ishg‘ol qildi.

Marko Asensio 2015 yilning yozidan beri "Real"ga tegishli.