Мадриднинг “Реал” клуби ярим ҳимоячиси Марко Асенсионинг келажаги ноаниқлигича қолмоқда.
Амалдаги шартнома 26 ёшли футболчини Мадрид клуби билан жорий мавсум охиригача боғлайди.
Испаниянинг Sport нашри тарқатган хабарга кўра, "қаймоқранглилар" Асенсио билан шартномасини узайтириш бўйича музокара ўтказишни режалаштирган. Бу музокаралар Қатардаги Жаҳон чемпионатидан кейин бўлиб ўтади.
2022/2023 йилги мавсумда Марко Асенсио "Реал"нинг 10 та ўйинида қатнашган. Шу билан бирга ярим ҳимоячи икки марта дастлабки дақиқалардан майдонга тушди. Асенсио иккита гол урди - у "Лейпциг" ва "Эльче" дарвозасини ишғол қилди.
Марко Асенсио 2015 йилнинг ёзидан бери "Реал"га тегишли.
