"Napoli" rahbariyati 21 yoshli gruziyalik vinger Xvicha Kvarasxeliya vakillari bilan yangi shartnoma bo‘yicha muzokaralarga kirishdi. Bu haqda Calciomercato.com jurnalisti Daniele Longo tvitterda xabar berdi.

Manbaga ko‘ra, yangi shartnoma loyihasiga ko‘ra, Kvarasxeliya bilan amaldagi kelishuv bir yilga - 2028 yilgacha uzaytiriladi. Shu bilan birga, futbolchining maoshi hozirgiga nisbatan ikki baravar ko‘payadi.

Eslatib o‘tamiz, Xvicha "Napoli"ga 2022 yilning iyulida kelib qo‘shilgan. O‘shandan beri u Italiya klubi safida barcha musobaqalarda 14 ta o‘yinda maydonga tushib, 7 ta gol va 8 ta golli uzatmani amalga oshirgan. Transfermarkt ma’lumotlariga ko‘ra, uning transfer qiymati 35 mln yevroga baholanmoqda.