"Наполи" раҳбарияти 21 ёшли грузиялик вингер Хвича Кварацхелия вакиллари билан янги шартнома бўйича музокараларга киришди. Бу ҳақда Calciomercato.com журналисти Даниэле Лонго твиттерда хабар берди.
Манбага кўра, янги шартнома лойиҳасига кўра, Кварацхелия билан амалдаги келишув бир йилга - 2028 йилгача узайтирилади. Шу билан бирга, футболчининг маоши ҳозиргига нисбатан икки баравар кўпаяди.
Эслатиб ўтамиз, Хвича "Наполи"га 2022 йилнинг июлида келиб қўшилган. Ўшандан бери у Италия клуби сафида барча мусобақаларда 14 та ўйинда майдонга тушиб, 7 та гол ва 8 та голли узатмани амалга оширган. Transfermarkt маълумотларига кўра, унинг трансфер қиймати 35 млн еврога баҳоланмоқда.
